ENGLAND-Nagpakasal sa iyang kaugalingon ang 31-anyos nga babaye nga taga England human kini giilad sa iyang fiancé, 6 ka adlaw sa dili pa ang ilang kasal.
Giila ang bride nga si Lindsay Slater diin nagviral kini human gipost sa friend ni Lindsay nga si Beth Paige ang highlights sa selebrasyon.
Basi sa report sa The Bucks Herald nga nasakpan ni Lindsay ang iya untang groom nga adunay laing karelasyon ug giingong nilayas kini sa ilang balay.
Nasayran nga 12 ka tuig na ang ilang relasyon.
Nasuta nga unang gikanselar ni Lindsay ang iyang kasal apan gipadayon nalang kini niya isip selebrasyon sa iyang kagawasan.
Ingon man nga nikabat sa P2.6M ang tanang gasto sa maong kasal.
Basi sa caption, magul-anon si Lindsay sa nahitabo sa iyang kaminyuon apan, dako ang iyang salig nga maokay ra siya sa mga muabot nga panahon.
