Mitaliwan na ang British actress nga si Dame Maggie Smith sa edad nga 89-anyos.
Gikumpirmar kini sa iyang publicist, nga si Clair Dobbs, apan wala maghisgot sa hinungdan sa iyang kamatayon sa Chelsea ug Westminster Hospital.
Natawo niadtong 1934 sa silangang London sa wala pa magsugod ang ikaduhang Gubat sa Kalibutan diin sila mibalhin sa Oxford University.
Paghuman niini sa high school, mi-eskwela kini sa Oxford Playhouse school gikan sa 1951 hangtod 1953.
Lakip usab siya sa mga bitoon sa Broadway sa “New Faces of 1956” ug gibituonan sa “Share My Lettuce”.
Niadtong 1978, nakadaog siya og ikaduhang Academy Award isip supporting actress alang sa iyang performance sa “California Suite” ug gihatagan usab siya og award sa British Academy Film Awards sa salidang “A Room with a View” ug niadtong 1987 sa “The Lonely Passion of Judith Hearne”.
Nahimong Dame Commander sa Order of the British Empire usab si Smith niadtong 1990 ug sukad niadto nailhan kini nga Dame Maggie Smith.
Nabantog siya isip witchcraft teacher nga si Minerva McGonagall sa “Harry Potter and the Sorcerers’s Stone” niadtong 2001 ug nagpakita sa daghang mga sequel sa “Harry Potter”.
