CEBU CITY-Plano ni Cebu City Mayor Michael Rama nga tangtangon ang structure sa giingong bus station sa Cebu Bus Rapid Transit (CBRT) project atubangan sa Capitol building.
Hinuon, iyang gitumbok nga sa pagtangtang niini, plano niya nga ilisan kini og earmark gihapon sa usa ka bus station apan magpatuman og lahi nga disenyo aron malikayan ang paglapas sa mga balaod.
Mao kini ang nahimong diskusyon tali ni Rama ug Secretary of the Department of Transportation (DOTr), Jaime Bautista human sa mitumaw nga tensyon tali sa mayor ug ni Cebu Governor Gwendolyn Garcia nga misangpot sa pasakaay og kaso.
Sa pikas bahin, suportado sa DOTR ang pagpadayon sa pag-konstrak arun sa pagpalapad sa pantalan sa Sugbo nunot sa mitumaw nga tensyon usab tali sa Cebu Port Authority ug Cebu City Government.
