Nakuha sa Bangko Sentral ng Pilipinas (BSP) ang “Best Recirculation/ Distribution Initiative or Innovation” award gikan sa International Association of Currency Affairs (IACA) alang sa paglusad sa Coin Deposit Machines (CoDMs) sa tibuok Metro Manila nga serbisyo
Si BSP Assistant Gobernador Rosabel Guerrero midawat sa tropeyo sa ngalan sa sentral nga bangko sa seremonyas sa IACA nga “2024 Excellence in Currency Awards for Coin” nga gipahigayon sa Lisbon, Portugal.
Sumala sa international body, nga katuyoan sa proyekto sa Coin Deposit Machines nga madasig ang mga Pilipino sa paggamit sa ilang mga sensilyo nga gitipigan baylo sa e-wallet credits ug shopping voucher diin nagpakita sa “forward-thinking approach” sa BSP ngadto sa mas epektibo ug malungtarong sirkulasyon sa Pilipinas.
Gihisgotan usab sa award-giving entity ang positibong epekto sa CoDMs sa kinabuhi sa mga Filipino nga makagamit sa ilang e-wallet isip potensyal nga “gateway” sa ubang importanteng serbisyong pinansyal.
Sukad sa paglusad niini niadtong 2023, ang CoDMs nakatigom og kapin sa P1 bilyon nga kantidad sa mga sensilyo.
Uban niini nga kalampusan, ang BSP mipahibalo sa mga plano sa pagpalapad pa sa proyekto pinaagi sa pag-instalar ug 25 pa ka makina sa tibuok nasud sa tuig 2025, nga nagdala sa kinatibuk-ang ihap sa CoDMs ngadto sa 50.
