Gipangunahan sa Bangko Sentral ng Pilipinas (BSP) ang ika-31 ASEAN Senior-Level Committee on Financial Integration (SLC) Meeting sa isla sa Boracay, aron palalomon ang relasyon sa ekonomiya ug seguridad sa rehiyon.
Gitambongan ang meeting sa mga senior nga opisyal gikan sa lainlaing sentral nga bangko sa Association of Southeast Asian Nations (ASEAN).
Ang mga diskusyon nagpunting sa mga lakang aron mapalalom pa ang financial integration taliwala sa mga miyembro nga nasud aron makasunod sa nagbag-o nga dagan sa merkado.
Kabahin sa halapad nga agenda ang paglaraw sa mga prayoridad sa ASEAN Chair para sa tuig 2026.
Gipalambo usab sa komite ang ilang pagtuki sa kasamtangang sitwasyon, mga hagit, ug oportunidad sa global ug regional nga ekonomiya.
Isip kabahin sa nagpadayon nga koordinasyon, ang tanang kasabutan ug resulta sa miting sa Boracay gikatakdang ipresentar sa ASEAN Finance Ministers ug Central Bank Governors’ Meeting sa Abril alang sa katapusang ratipikasyon.
