Mohunong na sa pagdawat ug bag-ong mga aplikasyon alang sa digital banking licenses sugod sa Disyembre 1, 2025 ang Bangko Sentral ng Pilipinas (BSP).
Kini human sa closure sa application window nga aprobado sa Monetary Board sa ilang moratorium sa digital bank licensing sa nakalabayng Septiyembre 18.
Dugang pa nga ang moratorium kay magpabilin hangtod sa libkason kini atol sa pamahayag nga giluwat sa BSP niadtong Huwebes, Septiyembre 25.
Mag-agi una kini og ebalwasyon sa pagsusi kung nakapasar ba kini sa tanang rekisitos sa pagdumala og digital bank.
Mipahimangno ang BSP sa mga aplikante nga ang kuwang ug non-compliant nga mga gisumiter kay dili na kini dawaton human sa deadline.
Sa pagkakaron, adunay unom ka mga lisensyadong digital banks nga nag-operate sa nasud diin ang ilang limit kay anaa sa 10 ka mga digital banks atol sa Enero 2025 nga moratorium.
