Gipaulanan og pahalipay gikan sa Army fans sa K-pop superstar boy band nga BTS human ang labing karaan nga miyembro sa grupo nga si si Kim Seokjin, nga mas nailhan sa iyang stage name nga Jin, opisyal ng gi-discharge sa mandatory military service.
Ang 18 ka bulan nga serbisyo militar ni Jin, kinsa mao ang unang miyembro sa BTS nga nagpalista kaniadtong Disyembre 2022 kay hingpit na nga nahuman.
Sa paggawas ni Jin sa iyang military base, gisugat siya sa iyang mga kaubang BTS nga kasamtangang aktibo sa serbisyo militar, sila si RM, J-Hope, V, Jimin ug Jungkook.
Diin ang paghuman sa iyang military service Dungan sa pagsaulog sa ika-11 nga anibersaryo sa BTS karong adlawa, Hunyo 13.
Una na niining gipahibalo ang record label sa BTS nga BigHit Music nga gipangunahan ni Jin sa Festa celebrations nga adunay usa ka personal nga kalihokan kauban ang mga ARMY fans sa grupo.
Ang selebrasyon sa Festa usa ka festival nga molungtad og 1 ngadto sa 2 ka semana nga puno sa mga panghitabo nga gipahinungod sa mga loyal nga fans sa BTS.
Samtang, ang pagbalik sa grupo gilauman sa tuig 2025.
