Magsilbi nga torchbearer sa 2024 Paris Olympics si Kim Seokjin o mas naila nga Jin kinsang miyembro sa sikat nga South Korean K-pop boy band group nga BTS.
Ang Kpop idol gikatakda nga mobiyahe sa France aron moapil sa Summer Olympic torch relay nga magsugod sa Hulyo 26 basi sa tinubdan sa industriya sa musika.
Kahinumdoman nga ang BTS member na-enlist niadtong Disyembre 2022 alang sa mandatory military service ug niadto lang Hunyo 12, na-discharge kini human makompleto ang 18 ka buwan nga serbisyo militar.
Si Jin usab ang unang miyembro sa BTS nga nakakompleto sa mandatory military service.
Sa laing bahin, ang gipaabot nga Summer Olympics usa ka major international multi-sport event nga sagad gihimo matag 4 ka tuig.
Karong 2024, ipahigayon kini sa Paris, France gikan sa Hulyo 26 hangtod Agosto 11 diin gipaabot nga 10,500 ka mga atleta gikan sa 206 ka National Olympic Committees (NOCs) ang mosalmot niini nga Olympic competition.
