Gikatakdang mobalik na sa entablado ang tanang K-pop members sa BTS human sa pahulay nga kapin sa duha ka tuig tungod sa ilang mandatory military service.
Diin mahuman na sila si RM ug V karong Hunyo 10, gisundan ni Jimin ug Jungkook sa Hunyo 11 samtang si Suga ang kataposang mahuman sa Hunyo 21, nga magtimaan sa hingpit nga pagbalik sa grupo sa dili pa matapos ang unang bahin sa 2025.
Una ng nahuman sila si Jin niadtong Hunyo 2023 ug J-Hope nga nahuman na niadtong Oktubre 2024.
Matod sa CEO sa HYBE nga si Lee Jae-sang, nagsugod na ang pagpangandam alang sa pagbalik sa grupo, lakip na ang pagkontak sa mga sikat nga songwriter.
Hinuon, iyang gipasabot nga kinahanglan sab nga hatagan og panahon ang mga miyembro sa pagpamalandong ug pagpangandam sa personal.
Kabahin sa world tour, matod ni Lee nga mahimong magdugay tungod kay sagad sundan kini sa pagkompleto sa bag-ong musika.
