Namatyagan ang pagpundo sa mga barkong panggubat ug mga fighter jet sa Estados Unidos nga anaa duol sa Iran.
Kini nahitabo taliwala sa pressure sa US sa Islamikong nasud tungod sa programa sa militar niini, ug bag-ohay lang nga makamatay nga pagpangdakop sa mga nagprotesta.
Lakip sa mga nakita duol sa Iran mao ang US aircraft carrier nga USS Abraham Lincoln, nga nanguna sa usa ka strike group nga adunay tulo ka guided missile destroyer ug 90 ka eroplano lakip ang mga fighter jet, nga gikataho nga gipadala sa rehiyon sa Gulpo sa ulahing bahin sa Enero apan wala pa makita sa satellite imagery hangtod karon.
Bisan kung ang lokasyon niini nakit-an sa Gulpo sa Oman, gibanabana nga kini 700 kilometros ang gilay-on gikan sa Iran.
Gi-report usab sa US nga gipadala niini ang USS Gerald R Ford, ang pinakadako nga barkong panggubat sa kalibutan, ngadto sa Middle East, diin gilauman nga moabot kini sa rehiyon sa sunod nga tulo ka semana.
