Mitala ang Philippine Institute of Volcanology and Seismology (Phivolcs) og 28 ka mga ash emissions o “ashing” ang Bulkang Kanlaon kagahapong adlawa, Nobyembre 9, 2024.
Sa usa ka advisory sa Phivolcs diin mipahibalo nga anaa sa Alert Level nga mitongtong sa ‘increasing unrest’ ang nagpatigbabaw sa Bulkan.
Apan ang kasamtangan nga kalihokan sa summit crater mahimong mosangpot sa eruptive unrest ug pagtaas sa Alert Level.
Ang mga panghitabo milungtad tali sa upat ka minuto ug usa ka oras ug 18 ka minuto, nga nagpatunghag sa mga gray ashes nga miulbo tali sa 300 hangtod 800 metros ibabaw sa crater sa wala pa malabyog sa hangin sa kasadpang direksyon.
Ang mga lugar sa Sitio Bais sa Barangay Yubo, La Carlota City ug Barangay Sag-ang, lungsod sa La Castellana sa probinsya sa Negros Occidental nagreport sa mga timailhan sa abo.
Ang barangay Yubo ug Sag-ang niingon nga nakasinati usab kini og aso nga adunay sulfur.
Ang Phivolcs mitaho nga ang mga sample sa abo gikan sa mga panghitabo sa pagbuga sa abo kaniadtong Oktubre 19, Nob. 2 ug Nob. 5 nagbutyag nga ang abo kasagarang gilangkoban sa pulverized nga daan nga bato og dili materyal gikan sa bag-ong magma nga namugna.
Ang Kanlaon nagbuga ug 4,701-ka toneladang sulfur dioxide niadtong Biyernes, Nob. 8, nga mas taas sa average rate nga 4,299 ka tonelada matag adlaw sukad mibuto ang bulkan niadtong Hunyo 3, sumala sa state volcanologist.
Gipasidan-an na usab sa Phivolcs ang publiko nga mag-andam ug dili mosulod sa upat ka kilometro nga radius permanent danger zone (PDZ) sa bulkan.
