Gipahigyaon ang New Year’s call sa Bureau of Fire Protection – Regional Office 7 (BFP-7), ingun man panagpulong sa tanang sakop sa BFP Central Visayas aron pagatukion ang mga lakang nga angayang ipahamtang sa tibuok tuig 2026.
Ang maong kalihukan gipanguluhan ni Regional Director FCSUPT Fred Trajeras Jr, diin gitambungan usab kini sa mga pipila ka mga Municipal Mayors sa Probinsya sa Bohol ingon man sa Sugbo, Municipal and City Fire Stations, ug ubang ga kawani sa gobyerno.
Subay niini, ang New Year’s call nag-highlight sa mga plano, programa, ug estratehikong direksyon sa BFP Region-7 sa Calendar Year 2026.
Isip pagsaulog sa maong kalihokan, si BFP Region 7 Regional Director Trajeras Jr. mao ang nangulo sa pag-abiabi sa mga senior officials, heads of offices, Fire Station Marshals, assistant directors, ug uban pa gahapong adlawa, Enero 5, 2026.
Samtang sa ekslusibong pakighinabi sa Bombo Radyo Cebu Newsteam kaniya, iyang gipaambit ang pipila ka mga pamplano nga ilang nahipos alang karong tuiga.
Diin, adunay culmination usab sa oath taking ceremony sa newly promoted personnel sa susamang adlaw, sunod niana mao ang pagpablessing sa Dental Clinic nga anaa nahimutang sa Probinsya sa Bohol.
Nalakip usab sa naasoy ni Trajeras mao ang ilahang plano sa ASEAN Hosting, fire prevention month alang sa 1st quarter, og ang labing presko mao ang pagpang-deploy sa ilahang mga tropa nunot sa nagsing-abot nga kapistahan ni Se or Sto. Ni o, diin basi sa datos, adunay gatosanka mga personahe ang gipang deploy gahapong adlawa sa Kick-off Ceremony sa 461st Fiesta Se or nga gipahigayon sa Cebu City Sports Complex (CCSC).
Gidugang ni Trajeras nga ang maong deployment sa mga personahe sa BFP, nagtumong alang sa pag-abag sa gobyerno sa susamang dagko nga kalihokan.
