CENTRAL VISAYAS-Nigahin ang lokal nga buhatan sa pangisdaan sa Central Visayas og P9.1 milyones aron pagpalig-on sa malamboong industriya sa seaweed sa rehiyon.
Kini ang gitino ni Dr. Mario N. Ruinata, Regional Director ng Bureau of Fisheries and Aquatic Resources-Central Visayas, nga ang maong pundo gamiton sa pagbansay-bansay sa mga indibidwal sa pagtikad sa seafood, nga makapanginabuhi niini, ug sa pagsulbad sa mga sakit sa seaweed.
Dugang pa, nga ilang gihatagan og prayoridad ang pagtabang sa mga mangingisda ug residente sa mga barangay sa kabaybayonan nga naapektuhan sa nagpadayong sirado nga panahon sa pagpangisda.
Sa Sugbo, partikular nga naapektuhan niini ang mga mangingisda sa mga isla nga lungsod sa Bantayan: Madridejos, Santa Fe, ug Bantayan.
Dugang pa, nga ang pagdili o ang pagpatuman sa usa ka sirado nga panahon sa pagpangisda, nagtumong sa pagpadali sa pagpadaghan sa isda ug pagsiguro sa pagkonserba sa mga importanteng espisye.
Napatuman na kini sukad niadtong Nobiyembre ug magpadayon hangtod sa Pebrero karong tuiga.
Ang mga mananagat nga makamao usab sa pagtanom og seaweeds angayan niini nga proyekto.
Nasayran nga ubos sa Fisheries Administrative Order 167-3, ang pagpanakop, pagpatay, pagbaligya, o pagpanag-iya sa hamtong nga seksuwal nga sardinas, herrings, mackerels, o ilang mga anak nga nailhan sa lokal nga lupoy, silinyasi, linatsay, o manansi, mao ang hugot nga gidili sa pipila ka mga dapit.
