BOLIVIA-Dili mominos 31 ka mga tawo ang namatay sa usa ka aksidente sa bus nga pasaheroan sa Bolivia ug nagbilin ug kapin 12 nga nasamdan.
Matod sa mga awtoridad, posibleng nawad-an og kontrol ang drayber sa bus hinungdan nga nahulog kini dul-an sa 800 meters gikan sa pangpang sa habagatang kasadpang lungsod sa Yocalla.
Ang aksidente nahitabo sa usa ka makitid nga dalan nga puno sa mga kurbada ug naglikoliko nga mga dalan.
Dugang sa kapulisan nga maoy niila sa namatay, 10 niini hingkod ang panuigon ug 4 ka bata ang nalandig sa tambalanan, ug pipila niini anaa na sa grabeng kahimtang.
Nasayran sa mga otoridad nga posibleng nakatampo sa trahedya ang titip nga dalan ug ang kakusog sa dagan sa bus.
Padayon ang mga rescuer sa ilang operasyon samtang gisusi pa ang hinungdan sa aksidente.
