Gilauman sa Cebu Provincial Bus Operators Multi-Purpose Cooperative (CPBOMPC) nga masulbad ang ilang problema diin hapit na mahuman ang 25-year nga kontrata niini sa Mandaue City Government.
Matud sa chairman sa CPBOMPC nga si Zosimo Jumao-as Jr. nga apektado ang mga bus operators sa Cebu North Bus Terminal kung dili i-renew ni Mandaue City Mayor Jonas Cortes ang kontrata.
Nasayran nga natukod ang Cebu North Bus Terminal human nga nagpirmahanay ang Mandaue City Government ug Cebu City Government niadtong 1995.
Dugang pa ni Jumao-as nga maglisud sila sa pagpangita og laing luna kung mahuman ang kontrata niini karong Oktubre 2020.
Tungod niini, mohangyo si Jumao-as ngadto ni Cortes nga himoong P1-million kada buwan ang abang sa luna imbes sa naandan nga P2-million pesos nga abang matag tuig.
Kung dili man matuman ang maong plano, hangyoon ni Jumao-as si Governor Gwendolyn Garcia alang sa kasulbaran niini.
