Business Administration graduate, adunay pasabog atol sa iyahang graduation day

CEBU –Nag-viral sa social media si Milljan Fontanoz, usa ka Business Administration graduate tungod sa iyahang pasabog atol sa graduation rites niadtong Hunyo 23.

Gipadangat ni Fontanoz ang iyahang pasalamat sa ginikanan pinaagi sa pinasahi nga outfit diin gisumpayan niini ang toga nga gisul-ob og dugang tela og gibutangan pa kini mga letra nga naporma og “Gratias Mama et Papa”.

Sa usa ka taho, nasayran nga hilabihan gyud kaayo ka supportive ang mga ginikanan ni Fontanoz hinungdan nga deserve mapasalamatan sa espesyal nga paagi.

Gi-angkon man hinuon niini nga kanunay kinin gi-atangan matag adunay mga kalihukan sa tunghaan ilabi na sa mga estudyante ug sa mga magtutudlo tungod dili kini mahutdan og mga pasabog.