Gibutyag ni Bryon Garcia, igsuon ni former Cebu Governor Gwen Garcia ug nailang kritiko ni Gov. Pam Baricuatro, nga mipasaka ang ilang kampo ug kaso batok sa nagdumala sa Talisay City Police Custodial Detention ug hepe sa Talisay City Police nga si PLTCOL Homubuno Sayon, tungod sa iyang nasinati nga pagpabaya sa iyang kondisyon sa panglawas samtang anaa siya sa kustodiya sa kapulisan.
Nagkig-alayon usab si Garcia sa Commission on Human Rights Central Visayas alang sa pag-pasaka ug reklamo sa kalapasan sa human rights ug pagtino sa mga pipila ka mga opisyales sa kapulisan labot sa maong panghitabo.
Gihimug-atan ni Garcia nga ang mga susama kaniya nga adunay kondisyon sa panglawas nakinahanglan kini ug special treatment ug protection.
Si Garcia, kinsa kaniadto nagsilbi nga hepe sa Cebu Provincial Detention and Rehabilitation Center, miingon nga ang mga detention cell kinahanglan nga mosunod sa International guidlines nga naggahin og 3.5 ngadto sa 5 square-meters matag binilanggo.
Kahinomdoman nga gidakop ug nabalhug si bilanggoan si Garcia niadtong Hunyo 11, 2026 tungod sa kaso nga kalapasan sa Safe Spaces Act nga gipasaka sa anak ni Baricuatro nga si Dr. Ellise Catalan ug nakapiyansa si Garcia niadtong Hunyo 13.
Ang kaso nahitabo taliwala sa diskusyon sa publiko human gikuwestiyon ni Gobernador Pamela Baricuatro ang gitaho nga pagka-admit ni Garcia sa VSMMC, tungod sa kapaspas sa iyang pagbalhin gikan sa kustodiya sa pulis ngadto sa ospital.
