-- ADVERTISEMENT --
Nipasidaan ang mga mayor sa mga dakbayan sa Caloocan, Malabon, Navotas ug Valenzuela (Camanava) batok sa mga magpapatigayon nga mopahimulos ug mopasaka sa presyo sa mga batakang palaliton taliwala sa deklarasyon sa state of calamity.
Gipahinumdoman sa mga mayor nga adunay 60 ka adlaw nga price freeze nunot sa deklarasyon sa state of calamity tungod sa milabay nga bagyong Carina ug Habagat.
Nunot niini, giawhag sa mga mayor ang mga konsumidor nga mo-report sa mga otoridad kung molapas sa price ceiling ang presyo sa mga palaliton nga maoy nakalapas sa Price Control Act.
Siguruhon usab sa mga mayor nga ang mga batakang panginahanglanon magpabiling dali ug barato alang sa mga indibidwal nga naapektuhan sa kalamidad.
