Wala napugngan nga makahilak si Candy Pangilinan human nga nag-tantrum ang iyang anak nga si Quentin.
Sa iyang latest vlog diin nagtanyag og kinasingkasing nga pagtan-aw sa mahagitong mga kamatuoran nga giatubang sa daghang mga ginikanan nga nagpadako sa ilang mga anak nga adunay autism spectrum.
Sa hapit 10-minutos nga vlog, nakahilak ang komedyante human ang iyang anak nga si Quentin na-trigger ug na-meltdown.
Madungog ang mga linya ni Candy diin nagpakalooy nga miingon nga gikapoy na kini ug sakto na.
Mihangyo pa kini nga maminaw sa iyaha.
Gipaambit ni Candy nga mao kadto ang unang higayon nga dayag niyang gipadayag ngadto kang Quentin ang iyang gibati nga “drained and tired”.
Ingon man nga sa iyang naobserbahan sa iyang anak nga naminaw kini gumikan iyang namatikdan nga nihunong kini sa dihang Nakita ni Quentin nga naghilak na ang iyang inahan.
Pagkalma nilang duha, nagpasalamat si Quentin kang Candy ug nagpakitag pagmahay sa iyang gibuhat, nangutana kini kung gipasaylo na niya kini ug nangayo og sorry sa iyang mama.
Dugay nang prangka si Candy sa social media bahin sa iyang journey sa pagpadako sa iyang neurodivergent nga anak ug mibarog usab kini sa papel isip magtutudlo ni Quentin.
