Malaumon si Mexican boxer Canelo Alvarez nga mosugot si US boxer Terrence Crawford og rematch.
Kini nunot sa unanimous decision nga kadaugan ni Crawford sa ilang welterweight title fight.
Matod ni Alvarez nga usa ka makasaysayanon ang maong away ug mas maayo pa kon kini masubli ug andam siyang motungtong pagbalik sa boxing ring.
Nakahilak si Crawford sa dihang gipahibalo ni Michael Buffer nga siya ang mananaog, diin ang mga maghuhukom mipabor kaniya human sa 12 ka hugna.
Ingon man nga gidayeg ang duha ka boxer sa ilang kusog sa boxing ring.
Kini ang gikonsiderar nga pinakadakong boxing match nga gipahigayon sa US sukad gipildi ni Floyd Mayweather si Manny Pacquiao.
Ang 37-anyos nga si Crawford nahimong world champion sa lima ka dibisyon ug mao usab ang unang lalaki nga boksidor sa four-belt era nga gikoronahan nga dili malalis nga kampiyon sa tulo ka weight classes: junior welterweight, welterweight ug super middleweight.
Mao sab kini ang unang higayon nga ang 35-anyos nga si Alvarez napildi sa super middleweight sa 12 ka away.
Si Alvarez adunay rekord nga 63 ka daog, tulo ka pilde ug duha ka tabla uban ang 39 ka knockouts samtang si Crawford adunay 42 ka daog, walay pilde ug 31 ka knockouts.
