Gikalipay sa grupo sa Carbon-Hanong Alyansa ang pagkuwestiyon sa Cebu City Council maylabot sa hisgutanan sa redevelopment sa Carbon Public Market hilabi na sa isyu sa Joint Venture Agreement.
Matud ni Winefredo Miro, ang Presidente sa Carbon-hanong Alyansa, nga gikalipay niini ug sa iyang mga kaubanan ang pagkuwestiyon ni Cebu City Councilor Mikel Rama maylabot sa pagka-usab sa klasipikasyon sa Sitio Bato gikan sa residential ngadto sa na sa Danger zone.
Sigon niini nga dili niya ikahibulong nga mausab ang klasipikasyon sa Sitio Bato, gumikan sa pagpahimutang sa Joint Venture Agreement ngadto sa Carbon Public Market diin kaniadto usa ka residential ug karon nahimong commercial.
Gikabalaka usab sa grupo ang posibleng pagpademolish sa kagamhanan ngadto sa Sitio Bato, lakip na ang walay kasigurdohan nga relocation site sa mga residente.
Gidudahan ni Miro ang mga konsehal nga kanhi ni pirma sa JVA sa pagprivitize sa Carbon Public Market gumikan kay nabutang sa alanganin ang kahimtang sa mga residente.
Gilauman usab niini nga kung dili mabasura sa kagamhanan sa Dakbayan sa Sugbo ang JVA, magpadayun ang problema sa siyudad, ug maapektuhan ang liboan ka mga residente hilabi na ang nanginabuhian sa Carbon Public Market.
