CEBU CITY-Magpabiling abli ang Carbon Public Market alang sa mga customer bisan pa man og ipaubos ang dakbayan sa Sugbo sa enhanced community quarantine (ECQ).
Matud sa City Market Administrator nga si Junil Matugina sa nahinabi sa Bombo Radyo Cebu atol sa Zona Libre Program nga kontrolado ang entry point sa Carbon market aron mamonitor ang mga musulod sa merkado. Tungod niini, sirado ang area sa dalan Manalili ug Plaridel ug magpabiling abli ang dalan Escaño ug Calderon.
Samtang padayon ang operasyon sa merkado matag alas-3 sa kaadlawon hangtud na sa alas-8 sa gabii. Dugang pa ni Matugina nga wala nay mga insdente sa pagpanulis sa palibut sa merkado gumikan kay grabe ang presensya sa kapulisan ug mga kawani sa Cebu City Government sa palibut sa merkado.
Apan sa gihapon, striktong gipatuman ang physical distancing sa palibut sa Carbon Market. | By Gian Navarro
