CEBU CITY-Mipasalig ang sakop kapulisan sa Sugbo nga adunay igo nga mga PNP personnel ang ilang ipakatap alang sa pagsiguro sa luwas ug hapsay nga pagsaulog sa kalihokan sa Semana Santa.
Mao kini ang gipasalig ni Police Lieutenant Colonel Janette Rafter, ang Deputy City Director for Operations sa Cebu City Police Office diin gawas sa ilang gi-andam nga mga i-deploy plano usab nila nga makigkoordinate sa Regional Office alang sa dugang nga mga pagbantay apan, plano sa gihapon kini sa CCPO kung ila kini kuhaon ug gi-rekomendar sa ilang City Director.
Gibutyag niini nga lakip sa ilang gisabutan kung gani madayon ang augmentation sa mga dugang kapulisan, anaa kini sa 50 ka mga personnel alang lang sa mga Simbahan, ingon man nga ang maong ihap daghan na kini.
Subay niini, pahugtan usab ang seguridad sa Carbon Public Market atol sa Semana Santa diin gilauman nga dagsaan og mga tawo nga mamalit arun i-binignit.
Ingon man nga arun sa pagsiguro ug malikayan ang motumaw nga mga bisan unsang matang sa krimen, magpakatap kini og pwersa sa kapulisan nga gi-abagan sa mga force multipliers.
