Labing unang benepisyaryo ang dakbayan sa Carcar sa mga hinabang nga gipang-apud-apod sa buhatan sa National Housing Authority, sa pagpanghatag sa tag P10,000 matag pamilya subay sa mga naapektohan sa nakalabayng Bagyong Odette nga dugay nang na dilatar sa nakalabayng administrasyon sa Probinsya.
Gibutyag ni Ainjeliz Dela Torre Orong, ang Pubic Information Officer sa kagamhanan sa Probinsya nga ang dakbayan sa Car-Car ang labing unang nakadawat sa maong hinabang gikan sa NHU, gumikan kay ang lokal nga kagamhanan sa dakbayan usab ang labing unang nakasumiter sa mga rekisitos.
Sigon niini nga hinungdan nga wala pa maapuri ang laing local government units sa tag 10,000 nga hinabang gumikan kay adunay mga benepisyaryo nga dili kompleto ang mga impormasyon nga gisumiter, sukwahi sa tumong sa NHU.
Apan gipasalig hinoun ni Orong ang publiko, nga magpadayon ra gihapon ang pang-apod-apud og hinabang sa NHU inabagan sa paningkamot usab sa kagamhanan sa Probinsya sa Sugbo, taliwala sa nadelatar nga hinabang.
Gumikan usab sa paningkamot sa kagamhanan, pinaagi sa pagpadalag suwat ngadto sa buhatan sa NHA, natuman ra usab ang maong hangyu nga ipdayun ang pagpanghatag sa hinabang ngadto sa mga biktima.
Samtang sa pikas bahin, wala usab igong rason nganung na delatar ang mga hinabang.
