Uban sa tumang kaguol nga atong nadawat nga balita kabahin kang Pope Francis, ang atong mahal nga Lolo Kiko, mitaliwan na dinhi sa kalibutan aron mobalik sa balay sa Amahan.
Kauban sa universal Church ang tanang tawo nga adunay maayong kabubut-on, aron sa pagbangutan sa iyang kamatayon.
Sa atong pamalandong sa journey ni Pope Francis, ang atong mga kasingkasing napuno sa pagpasalamat sa gasa sa iyang pagkatawo, usa ka bililhong gasa sa Dios ngadto sa Simbahan ug sa kalibotan ug sa espesyal nga paagi kanatong katawhang Pilipino.
Gikan pa sa sinugdanan sa iyang ministeryo sa Petrine niadtong 2023, ang Santo Papa nagpahinumdom kanato nga ang Simbahan kinahanglang duol sa mga kabos, maluluy-on sa tanan, ug usa ka maabiabihon nga panimalay alang sa mga nakalimtan.
Kini nga mga pulong milanog sa atong mga kasingkasing, tungod kay nagsulti kini nga lawom kaayo sa kalag sa mga magtutuong Pilipino.
Gihandom usab niini ang pagbisita sa atong nasud niadtong tuig 2015, human mihapak ang bagyong Yolanda sa Tacloban nga wala pasumbalinga ang bati nga panahon ug kusog nga uwan.
Gipakita ni Pope Francis ang kahulugan sa ‘suffer’ ug pagtan-aw sa paglaom bisan paman sa grabeng kasakit nga giagian.
