Cargo plane, nahagsa sa balay duol sa airport sa Vilnius, misilaob; Usa, patay

Patay ang usa ka tripulante sa cargo plane human kini nahagsa sa usa ka balay ug misilaob samtang kini nagkaduol sa pagtugpa sa Vilnius Airport sa Lithuania.

Samtang laing tulo nga sakay ang naluwas diin lakip niini ang piloto.

Matud sa mga otoridad nga gawas sa sakay sa eroplano kay luwas usab ang12 ka mga tawo nga anaa sulod sa balay atol sa insidente.

Ang kargamento nga eroplano usa ka Swiftair nga eroplano nga nag-operate ubos sa kontrata alang sa DHL, usa ka kompanya sa logistic.