PROVINCE OF CEBU-Nahulog ang usa ka 10-wheeler delivery cargo truck nga paingon unta sa Olango Island ug gikan sa Hilton Port sa Barangay Punta Engaño, dakbayan sa Lapu-Lapu, ganihang buntag, Hunyo 2, 2023.
Matod ni Nagiel Bañacia, pangulo sa Lapu-Lapu City Disaster Risk Reduction and Management Office (LCDRRMO), nga walay naangol sa maong insidente.
Dugang pa, nga ang trak gikargahan og kawayan ug gikan sa Sogod, Cebu, Ikarga unta kini sa barge paingon sa Olango Island sa wa pa mahitabo ang insidente.
Ang tag-iya ug drayber sa trak nga si James Pricellas, 33, nipahibawo nga mekanikal ang problema sa sakyanan hinungdan sa aksidente, ug nidugang nga siya ra ang naa sa trak.
Ang likod lang sa cargo truck ang nahulog sa dagat, uga ang atubangan nga bahin nagbitay sa pantalan.
