Gikompirmar sa management sa state-run Home Development Mutual Fund o Pag-IBIG Fund nga ipatuman ang giaprobahan nga umento sa kinatas-ang cash nga mautang sa mga miyembro niini gikan sa ilang kinatibuk-ang savings.
Basi sa impormasyon nga gipagawas sa Pag-IBIG Fund, gipasaka niini ang limitasyon sa cash loan ngadto sa 90% gikan sa miaging 80%.
Kini nga lakang nagtumong sa pagpalapad sa pinansyal nga akses sa ilang mga miyembro, ilabi na sa panahon sa panginahanglan.
Matod sa Pag-IBIG fund, ang ilang mga miyembro nga naka-upgrade sa regular savings mahimong maka-avail sa mas dagkong loan.
Nagdepende gihapon kini sa kinatibuk-ang kantidad sa ilang natigom.
Gipasabot pa niya nga ang pagsaka sa loanable cash mahimong magamit alang sa mga short-term loan programs sama sa Health and Education Loan Programs, ingon man ang Calamity loan.
Gipaubos usab niini ang eligibility requirements gikan sa miaging 24 ka buwan ngadto sa 12 ka buwan nga minimum nga kontribusyon.
