Nalakip sa 21 nga gipili ni Pope Francis nga mahimong bag-ong cardinals sa Simbahang Katoliko si Kalookan Bishop at Catholic Bishops’ Conference of the Philippines (CBCP) president Virgilio David .
Gihimo kini nga pahibalo sa Santo Papa atol sa iyang Misa sa Vatican.
Ang pagbutang sa bag-ong mga cardinal o consistory himuon sa Disyembre 8 sa dili pa ang pag-abli sa Jubilee Year sa 2025.
Kini ang ika-10 nga consistory nga gihimo sa Santo Papa sulod sa iyang 11 ka tuig sa katungdanan.
Sukad niadtong 2016, nahimo siyang obispo sa Diocese of Kalookan gikan sa pagka-auxiliary bishop sa Archdiocese of San Fernando sa Pampanga.
Kaniadtong 2019 nakuha ni David ang suporta ni Pope Francis tungod sa mga hulga sa iyang kinabuhi gikan sa iyang pagsaway sa war on drugs ni kanhi Presidente Rodrigo Duterte.
Si David kay natawo sa Betis, Guagua sa probinsiya sa Pampanga ug nahimong iladong Bible scholar.
Nakakuha siya og licentiate ug doctorate sa Sacred Theology gikan sa Catholic University of Louvainsav Belgium ug bachelor’s degree sa Pre-Divinity gikan sa Ateneo ug master’s degree sa Theology gikan sa Loyola School of Theology.
Ang 65-anyos nga obispo, maoy ika-10 nga Filipino cardinal nga naglakip ni: Jose Cardinal Advincula, arsobispo sa Manila; Luis Antonio Cardinal Tagle, pro-prefect sa Dicastery for Evangelization ug kanhi arsobispo sa Manila; Gaudencio Cardinal Rosales, kanhi Arsobispo sa Manila; Jaime Cardinal Sin, kanhi arsobispo sa Manila; Rufino Cardinal Santos, kanhi arsobispo sa Manila; Ricardo Cardinal Vidal, arsobispo sa Sugbo; Julio Cardinal Rosales, kanhi arsobispo sa Sugbo; Orlando Cardinal Quevedo, kanhi arsobispo sa Cotabato ug Jose Cardinal Sanchez, kanhi prefect sa Congregation for the Clergy.
Ingon man nga ang mga kardinal kay tradisyonal nga gitawag nga “princess of the Church” nga nagsilbing tigtambag sa Santo Papa.
Apan ang ilang nag-unang trabaho mao ang pagtambong sa conclave diin mopili sila og bag-ong Santo Papa sa higayon nga mamatay o abdication ang Santo Papa.
Sa wala pa siya matudlo, 2 lang sa upat ka buhing Filipino cardinal ang makabotar sa conclave, sila si Tagle ug Advincula tungod kay ang mga nag-edad og 80 pataas dili na makabotar sa conclave.
Si Pope Francis niingon nga ang iyang pagtudlo sa mga bag-ong Cardinals gikan sa lain-laing mga nasud nagpakita lamang sa koneksyon sa Vatican sa lain-laing lokal nga dioceses.
