PROVINCE OF CEBU-Nangayo ang Cebu Bus Rapid Transit’s (CBRT) implementing group sa Cebu Provincial Government og banabana sa presyo sa lote nga gipanag-iya sa Kapitolyo sa may Osmeña Boulevard, dakbayan sa Sugbo nga maapektuhan sa nagpadayong construction sa proyekto.
Atol sa ilang tigom sa Kapitolyo si CBRT project manager Engr. Norvin Imbong niingon kang Gobernador Gwendolyn Garcia nga kon makompleto na ang quotation, ipadala kini sa Department of Transportation (DOTr) Central Office alang sa tukmang aksyon.
Ang P17 bilyones nga CBRT project adunay rota gikan sa Barangay Bulacao sa Cebu City sud sa Barangay Talamban sa amihanan.
Kung diin ang unang hugna sa proyekto molangkob sa 2.6 ka kilometro ngadto sa tulo ka kilometro nga gipahinungod nga bus lane gikan sa Cebu South Bus Terminal (CSBT) paingon sa Capitol area.
