Padayon na ang search, rescue, ug clearing operations sa mga grupo sa Cebu City Disaster Risk Reduction and Management Office sa tibuok siyudad taliwa sa padayon nga hulga sa Bagyong Tino.
Ingon man nga ang mga personahe gikan sa Emergency Operations Center (EOC) hingpit nang na-activate ug nagtigom sa mga importanteng lugar aron sa pagtubag sa mga report sa mga nabara nga dalan, mga na-stranded nga residente, ug mga insidente nga may kalabutan sa bagyo.
Hugot usab sila nga nakigtambayayong sa mga barangay disaster team, Bureau of Fire Protection, ug mga boluntaryong grupo, aron sa paglimpyo sa mga dagkong highway aron masiguro nga ang mga emergency vehicle ug tabang makaabot sa mga apektadong komunidad nga walay paglangan.
Giawhag ang mga residente nga magpabiling mabinantayon, mokooperar sa mga awtoridad sa lugar, ug mosunod lamang sa mga update gikan sa mga opisyal nga tinubdan sama sa Cebu City Public Information Office ug CCDRRMO.
Sa pagkakaron, basi sa mga monitoring makita nga walay pag-upos gihapon ang mga tubig baha sa Consolacion, Talisay, Bacayan, Mandaue, Lapu-Lapu ug daghan pang uban.
