CEBU CITY-Gikatahong mohimo na ang Syudad og kaugalingong monitoring sa kalidad sa tubig sa mga suba ug waterfront.
Matud pa ni Engr. Myka Marie Llano, ang environment management specialist sa Cebu City Environment and Natural Resources Office o kon CCENRO nga mo-hire og third-party service provider nga mao’y mokolekta ug mosusi sa mga sample sa tubig.
Dugang niini nga ning tuiga ilang gitinguha nga makakolekta ang Cebu City og iyang tubig arun adunay mapresentar nga mga numero sa policy makers ug sa mga decision makers.
Ingon man nga bisan paman andam ang Environmental Management Bureau sa paghatag og datos apan, lahi kung adunay kaugalingon ang LGU.
Gitataw usab ni Llanos nga mas paspas nga makuha sa Siyudad ang resulta kung aduna kini kaugalingong water quality monitoring team, bisan pa kon ang data gathering kay outsourced.
Kasamtangan gilihok na sa CENRO kauban ang Task Force Gubat sa Baha sa dakbayan pinaagi sa promotional awareness, pagpalambo sa kalidad sa tubig sa mga suba, malungtarong solid waste management, biodiversity enhancement, ug flood mitigation.
