CEBU CITY-Giawhag ni PCol. Ireneo Dalogdog, ang Director sa Cebu City Police Office ang suspek sa kamatayon sa 23-anyos nga local basketball player nga si Jeslar Larumbe sa pag-surrender sa iyang kaugalingon sa kapulisan arun dili na mapun-an ang iyang sala.
Human kini maplastar ang mga kuha sa closed-circuit television footage arun motumbok ang ilhanan sa suspek pinaagi sa pagsubay sa kapulisan sa Sugbo.
Sa pakighinabi sa Bombo Radyo Cebu News Team kang PCol. Dalogdog, miingon kini nga posibleng adunay tensyon tali sa suspek ug biktima diin nagkainit ang duha sa kadalanan ug misangpot sa maong panghitabo.
Dugang pa ni Dalogdog nga ang adunay nahitabo nga gukdanay sa duha diin ang maong sakyanan gi-ablihan ang blinker ug siren arun sa giingon nga hulga, ingon man nga dapit sa usa ka hotel aduna pa’y nahitabo nga pagbabag.
Ug nabuhian sa biktma ang iyang manobela gumikan sa pagbabag ug misangpot sa hinanaling nga kamatayon.
Subay niini, nanawagan ang opisyal nga moluwat sa iyang kaugalingon ang maong suspek hilabi na nga aduna na silay hingpit nga mga ebidensya nga gihuptan.
Gani, usa sa mga rason sa pagtumbok sa suspetsado human nga masigpatan ang sakyanan niini nga anaa sa Fuente Circle.
