Nakig-sabot ang Cebu City Police Office (CCPO) sa mga sakop sa Armed Forces of the Philippines (AFP) alang sa hugot nga seguridad ning nagkaduol nga panahon sa kalag-kalag.
Matud ni City Police Director Colonel Gemma Vinluan nga ipa-augment niya ang mga kasundaluhan aron ipatuman ang hugot nga seguridad sa mga sementeryo, kadalanan, lakip na ang mga subdivisions.
Kini gumikan kay dili gusto ni Vinluan nga pasagdaan lang ang mga subdivisions ilabi na nga adunay mga nagbantay sa tagsa-tagsa ka panimalay sa panahon sa kalagkalag.
Dugang pa ni Vinluan nga angayang mag-ampo gihapon ang publiko dili lang sa mga kalag, kun dili sa luwas nga seguridad sa katawhan.
Gi-awhag usab ni Vinluan ang publiko nga magpabiling vigilant nunot na sa paghandum sa kalag-kalag.
