CEBU CITY- Nagpahigayon og simulation exercise ang Cebu City Police Office (CCPO) sa usa ka pawnshop sa dalan Leon Kilat ning dakbayan sa Sugbo kagahapong adlawa sa Huwebes, Septiyembre 12, 2024.
Kini nga ehersisyo nagtumong sa operasyon sa kapolisan sa dakbayan sa pagresponde sa higayon nga adunay mahitabong laing kawat sa mga mga establisemento o ‘alahas’jewelry shop’ sa dakbayan.
Ubos kini sa kamandoan ni CCPO Acting Director PCol Antonietto Cañete nga nagtumong sa pagpalambo sa kapabilidad sa mga kapulisan sa pagresponded sa maong mga krimen nga matud niya nagmalampuson ang ilang simulation exercise.
Kahinumduman, nga kaylap ang krimen sa pagpangawat sa mga patigayon og alahas sa dakbayan sa Sugbo sama nalang sa Oro Sugbo Pawnshop and Jewelry niadtong Nobyembre 2023 ug sa Macy’s Jewelry ug sa D’ Gold Chain Jewelries Store Co. sa dalan F. Calderon, Barangay Ermita niadtong Agosto 2024.
Ang simulation exercise nagtugot sa mga ahensya sa pag-ila sa mga dapit alang sa kalamboan ug sa pagpino sa ilang tubag protocols.
Nagpasalamat ang CCPO sa tanan nga mga partisipante nga ahensya alang sa ilang kooperasyon ug suporta sa paghimo niini nga simulation exercise nga malampuson.
Kung diin ang ahensya komitado sa pagpadayon sa ilang paningkamot aron mapalambo ang kaluwasan ug seguridad sa publiko sa dakbayan.
