Nanginahanglan ang Cebu City Police Office (CCPO) og 1,700 ka mga police officers nga i-augment alang sa ipatumang hugot nga seguridad sa umaabot nga Sinulog 2020.
Matud ni CCPO OIC Director Police Colonel Geovanie Maines nga nagkinahanglan usab sila og mga volunteers aron mapalungtad pa ang kaluwasan sa pyesta sa balaang bata karong Enero sunod tuig.
Atol sa ilang security meeting, mipasalig si Cebu City Mayor Edgardo Labella nga motagana ang city government og mga moboluntayo aron ma-assist ang kapulisan sa mga security measures sa dakbayan.
Dugang pa ni Maines nga ilang gi-tap ang uban pang mga tinugyanan sa balaud sama lang sa Navy, PDEA, Philippine Coast Guard, ug uban pa aron mo-abag sa hugot nilang seguridad sa kapyestahan.
Samtang gihan-ay pa usab sa CCPO ang mga lakang kalabot na sa pagpatuman sa seguridad sa mga street parties atol sa Sinulog.
Nanghinaut usab ang OIC nga ipatuman ang pagdili sa ilimnong makahubog atol sa fiesta senyor.
