CEBU CITY- Gipahibalo ni Cebu City Mayor Raymond Alvin Garcia nga lugwayan niya sa panahon ang contractor sa Cebu City Sports Center (CCSC) bisan pa man sa ultimatum niini sa pag-repair sa nadispalkong rubberized track oval.
Gihimo ang maong pamahayag sa Mayor atol sa pakighinabi niini sa mga sakop sa media sa Cebu City Hall kagahapong adlawa sa Lunes, Oktubre 28, 2024.
Matod pa nga ang contractor ng SBD Builders misaad ang sa pagsulod sa buwan sa Nobyembre na nila pagasugdan ang maong pag-ayo.
Sa higayong dili gihapon “satisfactory” ang trabaho, si Mayor Garcia niingon nga mapugos ang kagamhanan sa dakbayan sa pag-terminate sa kontrata ug dili bayranan.
Kahinumduman nga niadtong Septiyembre 16, miluwat og pamahayag si Mayor Garcia uban sa contractor ug CCSC management sa pag-inspect sa kadaot sa rubberized track oval sukad niadtong Palarong Pambansa niadtong buwan sa Hulyo.
Sa pikas bahin, ang CCSC management mi-anunsoy sa publiko sa temporaryong pag-sirado tungod sa paghandom sa adlaw sa mga kalag sa umaabot Kalag-kalag 2024.
Sugdan kini sa Oktobre 31 diin manirado sila sa alas 12PM; dayon sa Nobyembre 1 hangtud 3 kay fully closed ang pasilidad.
Manumbalik ang regular nga operasyon sa pasilidad sa umaabot Nobyembre 4.
