CEBU PROVINCE-Nakakuha na og CCTV footage ang mga polis sa lungsod sa San Fernando sa habagatang Sugbo gikan sa lugar sa barangay San Isidro diin gipusil-patay ang lider sa Alpha Kappa Rho nga si Lloyd Procianos niadtong Martes sa buntag, Abril 11, 2023.
Matod ni Lieutenant Colonel Mark Gifter Sucalit, deputy director for operations sa Cebu Police Provincial Office (CPPO), nga padayon pa nilang gisusi ang video footage aron masuta kung kinsa ang gunman.
Wala nila gisalikway ang personal nga pagdumot o personal grudge ug usa sa gitan-aw nga motibo sa krimen, ug wala usab isalikway sa mga otoridad ang posibilidad nga aduna kini kalambigitan sa posisyon sa biktima isip Grand Skeptron sa Akrho fraternity.
Gibutyag ni Sucalit nga nakig-alayon na sila sa mga sakop sa Akrho ubos sa ilang hurisdiksyon aron masuta kon duna bay panagbangi tali kanila ug sa ubang fraternity organizations sa maong dapit.
