Ceasefire deal sa US tali sa Iran ug Israel, gikalipay sa DFA

Gikalipay sa Department of Foreign Affairs ang ceasefire deal sa Estados Unidos tali sa Iran ug Israel ug gitawag kini nga usa ka welcome development.

Sumala sa ahensya, kini usa ka hinungdanon nga lakang aron mahunong ang tensyon tali sa duha nga mga nasud sa Middle East.

Apan, bisan paman niini, gipahinumdoman sa ahensya ang mga Pilipino sa mga apektadong lugar nga magpabiling mabinantayon kung ugaling magpadayon ang kagubot.

Sa pagkakaron, aduna gihapoy missile launching tali sa duha ka nasod samtang ang ahensya padayong nanghinaot nga hingpit ng matuldukan ang maong panagbangi.

Kalabot niini, gipasalig sa DFA nga pabilin silang pasalig sa paghatag og hinabang sa mga apektadong Pilipino, partikular na niadtong gustong mobalik sa Pilipinas.