CEBU CITY-Nakagawas na ang Cebu 8 kagabii sa alas 7 ang takna. Kini ang gikompirmar ni King Anthony Perez ang spokesperson sa legal counsel sa Cebu 8 kinsang gisikop sa kapulisan human nga nagprotesta niadtong Hunyo 5 adlaw nga Biyernes sa may University of the Philippines (UP) Cebu Campus.
Nagkanayon si Perez nga nakagawas ang Cebu 7 ug ang usa ka bystander gumikan sa release order nga giluwat ni Judge Jenelyn Villaceran Forrosuelo sa Cebu City Municipal Trial Court in Cities (MTCC) Branch 4.
Kini matud pa nagpasabot nga tagaan usa sila og temporaryong kagawasan samtang gidungog ang kaso sa korte.
Nasayran nga kasong kalapasan sa pagrally nga walay permit ang gipasaka sa mga kapulisan batok sa Cebu 8 sa prosecutors Office ug ingon man kalapasan sa wala pagkooperar sa GCQ sanglit gidili pa man ang mass gathering. [Section 13 of the Public Assembly Act of 1985 (B.P. 880); Section 9 (e) of the Law on Reporting of Communicable Diseases (R.A. No. 1133, and simple resistance and disobedience to an agent of a person in authority under Article 151 paragraph 2 of the Revised Penal Code.
Dugang pa usab ni Perez nga wala hinoon gi-require ang Cebu 8 ug piyansa inay girelease lang kini sila.
