Nadawat na ni Cebu Archbishop Alberto “Abet” Uy ang pallium gikan kang Papa Leo XIV atol sa Misa para sa Solemnity of Sts. Peter and Paul didto sa St. Peter’s Basilica.
Si Papa Leo XIV ang nangulo sa maong Eucharistic Celebration uban sa College of Cardinals ug sa mga bag-ong gitudlo nga Metropolitan Archbishops gikan sa tibuok kalibutan.
Gawas kang Uy, duna pa’y laing duha ka Pilipinong Arsobispo ang kauban niyang nidawat sa maong vestment, sila si Cotabato Archbishop Charlie Inzon, OMI, ug Nueva Segovia Archbishop David William Antonio.
Kini nga vestment nagrepresentar sa yoke ni Kristo, sa papel sa Good Shepherd vnga nagpas-an sa iyang panon, ug sa iyang panaghiusa sa Holy See.
Ang pallium aduna’y unom ka crosses nga gama sa itom nga silk ug tulo ka mga pin, nga sumala sa tradisyon, nagpahinumdom sa mga lansang nga gigamit sa paglansang kang Kristo sa krus.
Si Archbishop Uy gi-instalar isip Arsobispo sa Archdiocese of Cebu niadtong Septyembre 2025.
