Liboan ka mga deboto ang mitambong sa Pontifical Mass nga gipangulohan ni Cebu Archbishop Alberto “Abet” Uy sa Nuestra Señora Birhen de Regla Parish National Shrine atol sa pagsaulog sa ika-290 nga Patronal Fiesta Celebration sa Balaang Inahan ni Hesus.
Diin ang tema karong tuiga kay nagpasiugda sa dalan sa mga magtutuo uban ni Maria niining Jubilee year, nga gibasi sa pasalig ug penitential devotion
Sa Homily ni Archbishop Uy nga mitandog sa komunidad sa mga Oponganon, human nga miawhag sa tanan nga magtipig ug kaayo sa ilang mga kasingkasing, nga nagpahinumdom kanila sa ilang pagkatawo isip mga anak sa Balaang Inahan sa Dios.
Nanawagan usab siya sa mga Oponganon nga magpabilin sa ilang pagtuo, nga nagsunod sa ehemplo ni Maria nga nagdala og maloloy-on nga kasingkasing sa mga panahon sa kawalay kasiguroan.
Sa pagtapos sa Misa, gipasalamatan ni Mayor Cindi si Arsobispo Uy sa iyang presensya ug espirituhanong pagpangulo, nga nagtugot kaniya sa pag-apil sa mga Oponganon niining tinuig nga selebrasyon sa pagtuo.
Nagpasalamat usab si Mayor Cindi sa mga pari sa MSC sa pag-amuma sa espirituhanong kinabuhi sa komunidad ug pagpalalom sa debosyon sa minahal nga patrona sa siyudad.
Nagpasalamat siya sa mga Oponganon sa ilang makanunayong debosyon, nga nagpadayon sa pagsuporta ug pagbayaw sa komunidad.
Ang selebrasyon nagsilbing usab sa pahinumdom sa dugay nang tradisyon. Kini nagpakita sa kalig-on ug kaayo sa mga tawo bisan pa sa mga hagit nga dala sa mga katalagman.
