Magpatuman og Real Property Tax amnesty ang Kagamhanang Lalawigan sa Sugbo aron sa tinguha nga pagdalit og mas baratong serbisyo sa mga Sugbuanon.
Kini ang mando ni Cebu Provincial Governor Pamela “Pam” Baricuatro diin ang Kapitolyo kay magpatuman sa Real Property Tax amnesty subay sa lagsa sa RA 12001 o ang “Real Property Valuation and Assessment Reform Act” ug Memorandum Circular No.001-2025 sa Bureau of Local Government Finance (BLGF).
Ubos sa maong balaudnon nga na-enact niadtong Hunyo 2024 ug na-epektibo pag Hulyo 5, 2025 kay nagmando sa paghatag og tax amnesty sa delinquent real property taxes ug special levies lakip ang Special Education Fund (SEF), Idle Land Tax, ug ubang special assessments.
Lakip sa Section 56 sa Implementing Rules and Regulations (IRR), ang amnestiya kay naglangkob sa penalties, surcharges, ug interes sa mga wala mabayari nga real property taxes sa wala pa nag Hulyo 5, 2024.
Ang mga magbubuhis kay kinahanglan nalang mutuman sa basic tax amount.
Limitado ang maong programa sa mubo nga panahon nga hangtod ra sa Hulyo 5, 2026 diin sa maong higayona kay ang mga delinquent property owners kay mamahimong mubayad sa tibuok nga balor o pinaagi sa installments, nga subject gihapon sa guidelines nga ipatuman sa kagamhanang lalawigan.
