Nagpahigayon og Medical-Surgical Mission sa isla sa Bantayan sa amihanang Sugbo ang Kagamhanang Lalawigan niadtong adlawng Biyernes ug Sabado, Septiyembre 19-20, 2025.
Gipahigayon kini sa Saint Paul Academy ug sa Bantayan District Hospital diin gihangop kini sa mga lumulupyo sa maong dapit nga gihikay sa Kapitolyo sa Sugbo.
Inubanan sa pipila ka mga volunteers sa Perpetual Succour Hospital, Cebu Medical Society Inc., All-Terrain Medical Relief Organization, ug sa mga lokal nga kagamhanang sa Bantayan, Madridejos, ug Santa Fe kay nagdalit kini sa mga serbisyo sama sa medical check-up para sa ubo, sip-on, ug hilanat; konsultasyon sa problema sa mata, dunggan, ug tutunlan (eyes, ears, and throat); serbisyong dental sama sa libreng ibot (tooth extraction), dental pasta, ug dental cleaning.
Gani sa pikas bahin, gisaysay ni Dr. Nikki Catalan, ang Provincial Health Consultant nga nag-obserbar pud sila sa mga best practices sa mga healthcare services sa ubang mga local government units aron matun-an kini og masundog diri sa Sugbo ilabi na sa mga hilit nga mga dapit.
