Nakapang-hire na og dugang 325 ka mga medical professionals ang Kagamhanang Lalawigan sa Sugbo sa katuyuang mapalambo ang serbisyong panglawas sa probinsya.
Kini ng impormasyon ang gikumpirmar ni Ainjeliz de la Torre-Orong, ang Public Information Officer sa Cebu Provincial Government sa eksklusibong pakighinabi niini sa Bombo Radto Cebu News Team.
Sumala pa ni Orong nga suldo sa 325 ka mga medical professionals kay gilangkoban kini sa mga nurses, doctors, specialist, medical technologist ug mga support staff nga gidestino sa 16 ka mga provincial ug district hospital sa Sugbo.
Kabahin kini sa inisyatiba sa administrasyon ni Cebu Provincial Governor Pamela “Pam” Baricuatro nga mapabaskog ang natad sa medisina sa mga tambalanan sa probinsya ilabi na ang mga lagyo sa Metro Cebu sa nainutil nga serbisyong panglawas sa Kapitolyo niadtong nakalabayng administrasyon.
Gawas sa pagdugang sa mga personahe, gipalambo sab sa Kapitolyo ang mga stocks sa mga tambal ug pagbutang sa dugang nga mga ekipong medikal sa maong mga tambalanan aron makaserbisyo kini sa kapasidad ug panginahanglan sa mga Sugbuanon.
Sa pagkakaron, padayon pa ang hiring process sa Kapitolyo sa tinguha nga matagad ang serbisyong panglawas para sa publiko.
