Cebu City-Hapsay ang dakbayan sa Sugbo atol sa pagsugat sa bagong tuig kung diin 0 victims ang natala nga naigo sa stray bullet kun saag nga bala.//
Kini ang gipasigarbo ni PCI Wilbert Parilla ang hepe sa operations Division sa CCPO. Matud ni Parilla nga basi sa ilang monitoring sukad Disyembre 31 hangtud karong adlawa minos ang mga insidente sa mga grabeng nabuthan.//Gani mismong ang Cebu City Medical Center (CCMC)
walay record nga natala apan padayon pa gihapon silang nagconsolidate sa mga data sa tanang estasyon sa Cebu City.
Gibutyag usab ni Parilla nga gahapon hangtud alas 12 kagabii nakapahigayon sila og 33 ka mga operasyon kung diin 27 ka mga iligalista kinsang namaligya og pabuto ang ilang nadakpan diin mubalor usab sa dul-an 160,000 pesos ang kantidad sa mga pabutong ilang nasakmit.
Karong petsa 3 pasakaan og kasong kalapasan sa RA 7183 subay sa pagdili sa mga delikadong pabuto ang mga nadakpan ug karong petsa 4 ipahigayon ang regionwide simulatenoues destruction sa mga naconfiscate nga mga pabuto.///
