-- ADVERTISEMENT --
CEBU – Nag-una ang Sugbo sa Central Visayas nga adunay pinaka-daghan nga kaso sa dengue sukad niadtong Agosto 13.
Basi sa datos sa Department of Health (DOH) Central Visayas, adunay 11,403 ka mga kaso sa dengue sa rehiyon diin 72 niini ang namatay.
Nakatala ang Cebu Province ug 4,457 ka mga pasyente diin adunay 27 ka mga namatay, samtang ang Cebu City ang nakatala ug 2,086 ka mga kaso diin adunay 25 ang namatay; Lapu-Lapu City adunay 1,244 ka mga kaso diin adunay 10 ang namatay; ug Mandaue City nga adunay 621 dengue cases ug adunay 4 ang patay.
Una nang gilauman sa DOH 7 ang pagsaka sa dengue cases sa rehiyon diin basihan nila sa ilahang obserbasyon ang nasinati nga ‘resurgence’ sa dengue infections sa nakalabay nga mga tuig.
