Mapasigarbohon ang buhatan sa Cebu City Anti-Mendicancy Office nga nakab-ot nila ang ilahang tumong nga ma-zero mendicants ang syudad sa Sugbo.
Sa gikabutyag ni Jhon Ryan Lumayag , ang Executive Director sa Cebu City Anti-Mendicancy Office, iyang gikabutyag nga zero mendicants ang syudad sa Sugbo, ilabi na kadtong mga mangayo o manlimos sa kadalanan.
Atol sa eskslusibong pakighinabi sa Bombo Radyo Cebu Newsteam kaniya, iyang gihinomdoman nga sukad sa adlaw nga napahamtang ang lagda sa Anti-Mendicancy, hangtud sa kasamtangan subay sa mga na-monitor sa enforcement team, zero mendicants na ang Dakbayan sa Sugbo.
Apan, wala gisalikway ni Lumayag nga giatubang karon sa Dakbayan sa Sugbo ang problema kabahin niining kaylap gihapon ang mga homeless nga indibidwal, kinsa makita nga anaa matulog o nagpuyo daplin sa kadalanan.
Gitino ni Lumayag nga ang Dakbayan sa Sugbo, walay ordinansa nga naglatid nga ang mga homeless, mamahimong kuhaon ug ipahimutang sa Anti-Mendicancy center, hinungdan nga gikinahanglan og legislative intervention.
Samtang, gipanglatawan ni Lumayag nga nindut “unta” nga kung ang tanan homeless mo uban sa Anti-Mendicancy center, mabungahon ang programa nga “ABOT” inabagan sa DSWD nga gitagana sa mga homeless nga indibidwal sa Dakbayan.
Gipasabot niya nga ang ABOT PROGRAM, gitagana kini sa mga tinud-anay nga mga homeless, diin ang DSWD mo abang og kapy-an niini sulod sa usa ka tuig, samtang gi-expose kini sa usa ka livelihood program aron nga igka human sa usa ka tuig, aduna nay kaugalingong income
