Gipanid-an sa Cebu City Anti-Mendicancy Office ang pagdumala sa mga expert sa mga libud-suroy hilabi na nga unang higayon kini sa opisina nga mokupot sa maong kaso.
Mao kini ang gipaambit ni John Ryan Lumayag, ang executive director sa Cebu City Anti-Mendicancy Office sama sa ilang na-rescue nga duha ka indibidwal nga gikonsiderar nga mga ‘risky’ gumikan sa mga taho nga manghilabot na ang maong mga nakuha.
Kini atol sa ilang unang pagpahigayon sa Anti-Mendicancy Board operation nga gipangulohan ni Cebu City Mayor Nestor Archival Sr., ug gitugyan ang pagpangu sa mga expert sama sa Safe Haven Rehabilitation diin igo lang gikuptan ug niuban lang usab kini dayon, ingon man nga anaa kini sa ilang pasilidad ning mga higayona.
Gidugang usab ni Lumayag nga aduna siya’y gi-revise nga flow chart nga mao ang ilang basehanan o giya diin gikan sa pag-rescue paingon sa mga tambalanan nga maoy motumbok sa kahimtang sa panghuna-huna sa makuha nga mendicancy sa kadalanan aron mahibaw-an kung sa pag-amuma ba sa rehabilitasyon o mamahimo lang kini sa kiliran sa ilang mga kabanay.
Nagtumong ang inisyatiba nga makunhuran ang mga gidaghanon sa mga mendicant ug street dwellers sa dakbayan sa Sugbo.
Diin kini nga paningkamot labaw pa sa paghawan sa kadalanan gumikan kay mahitungod kini sa pagpalapad sa pag-atiman, rehabilitasyon, ug mga oportunidad alang sa mas maayo ug mas ligdong nga kinabuhi.
