Cebu City-Subsub na ang pagbansay-bansay sa mga athletes sa Cebu City Division para subay sa preparasyon sa umaabot nga CVRAA 2018 nga ipahigayon sa Bohol.
Kini mao ang gibutyag ni Dr. Bianito Dagatan kinsang Schools Division Superintendent sa Cebu City Division.
Matud ni Dagatan nga sugod pa sa mi-aging semana nangandam na ug kanunay sila nga nagpahigayon og drill. Gipasabot usab niya nga sa karong tuiga ang ilang target mao ang pag-angkon og daghan gold ug dili lang ang pag overall champion.
Nasayran nga sa mi-aging 25 ka tuig basi sa ilang record namaintain sa Cebu City Division ang kampyonato ug lauman nga malangkat gihapon kini nila karong tuiga.
Gidugang usab ni Dagatan nga igo ug nakatabang usab kanila ang cebu government sanglit nakaprovide man kini nila og dili muminos sa 30 ka mga consultant ug mga trainers.
